Hakan Fîdan: Pûtîn bi hin mercan amade ye peymana berfireh a astiyê qebûl bike

PeyamaKurd- Wezîrê Derve yê Tirkiyeyê Hakan Fîdan ji medyaya Alman re li Cenevreyê ragihand, Serokê Rûsyayê Vladîmîr Pûtîn amade ye ku di bin şertên diyarkirî de agirbest û peymaneke berfireh a aştiyê qebûl bike.

Fîdan got, "Li gorî têgihiştina me, Serokê Rûsyayê Vladîmîr Pûtîn jî amade ye ku di bin şertên diyarkirî de agirbest û peymaneke berfireh a aştiyê qebûl bike. Ev helwest ji aliyê Ukraynayê re hatiye ragihandin. Tirkiye ji hin aliyan ve piştgiriyê dide vê helwestê."

Fîdan di hevpeyvîna xwe ya li Berlînê de ji rojnameya Welt am Sonntag re got ku peymana aştiyê ya niha tê gotûbêjkirin, ne tenê ji bo bidawîkirina şerê li Ukraynayê, lê di heman demê de ji bo aramiya mayînde ya tevahiya Ewropayê girîng e.

Fîdan bal kişand ser wê yekê ku piştî çar salên şer, daxwaza aştîyê ya hikûmetên Rûsya û Ukraynayê ji ber êş û wêraniya dîtine zêde dibe.

Hêjayî gotinê ye, Serokê Amerîkayê Donald Trump, planeke nû ya aştiyê bo Ukrayna û Rûsyayê pêşkeş kiribû ku niha ew plan tê gotûbêjkirin.