Mark Savaya: Wê guherînên mezin li Iraqê çêbibin

PeyamaKurd- Nûnerê Taybet ê Amerîkayê yê Iraqê Mark Savaya ragihand ku ew dê di nava du hefteyên bê de bigihîje Iraqê.

Mark Savaya diyar kir ku peyameke taybet a Donald Trump bi wî re ye û got: "Peyama taybet a Serok Trump ji bo serkirdayetiya Iraq û Herêma Kurdistanê bi min re ye."

Savaya bal kişand ser guherînên li Iraqê û wiha got: "Guherînên mezin li Iraqê di rê de ne û ji niha û pê ve her kes dê li şûna gotinan, kiryaran bibîne."

Hêjayî bibîrxistinê ye, Savaya piştî êrîşa ser Kormorê jî li serk komen milîs ên neyasayî daxuyaniyek belav kiribû û gotibû, “Îro cîhan Iraqê wekî welatekî dibîne ku şiyana wê heye li herêmê roleke mezintir û bandorker bilîze, bi şertê ku pirsgirêka çekên li derveyî desthilata dewletê bi temamî were çareserkirin û rûmeta saziyên fermî were parastin. Di rewşeke ku siyaset tevlî hêza nefermî bûye de, ti aborî geş nabe û ti hevkariya navneteweyî bi ser nakeve.”