Perçeyên balafira Serfermandarê Giştî yê Lîbyayê hildigirt hatin rakirin

PeyamaKurd – Rakirina perçeyên balafira taybet a ku li navçeya Haymana ya Enqerê ket dema ku Serfermandarê Giştî yê Lîbyayê General Mihemed Elî El-Heddad û şandeya leşkerî ya pê re tê de bûn, qediya.

Xebata li ser perçeyên balafira taybet a ku di 23ê Kanûnê de li nêzî gundê Kesikkavak ê Haymana ket û şandeya leşkerî ya ji 5 kesan û ekîba 3 kesan canê xwe ji dest dan, bi dawî bû.

Di çarçoveya xebata ku ji hêla Navenda Koordînasyona AFADê ya li herêmê hatî damezrandin ve hatî kirin, tîmên ji Lîbya û Fransayê doh bi rayedarên Tirk re li cihê bûyerê vekolîn kirin.

Piştî vekolînan, xebata rakirina perçeyên balafirê dest pê kir, perçeyên balafirê bi karanîna makîneyên giran li kamyonan hatin barkirin û ji herêmê hatin derxistin.

Piştî qedandina xebatê, tîmên cendirme û AFADê jî dest bi terikandina herêmê kirin.