Trump: "Prens Selman ji kustina Kasikçî ne xeberdar bû"

PeyamaKurd - Trump di derbarê kuştina rojnamevanê Siûdî Cemal Kaşikçî de, ku li Tirkiyeyê hat kuştin, daxuyaniyek da û diyar kir ku Prensê Tac Mihemed bin Selman ji bûyerê bêxeber bû.

Serokê Amerîkayê Donald Trump bersiva pirsa rojnamevanekî Washington Postê ya derbarê kuştina Cemal Kaşikçî ya sala 2018an li Balyozxaneya Erebistana Siûdî ya li Stenbolê da û got, "Prensê Tac ê Siûdî Mihemed bin Selman ji vê yekê bêxeber bû."

Di gotinên xwe yên Ofîsa Oval de, Trump ji bersiva pirsek derbarê kuştina Kaşikçî dûr ket û diyar kir ku Kaşikçî "pir nakok" bû û anîna wê mijarê wê "mêvan têxe şermê".

Trump got, "Hûn qala kesekî pir nakok dikin. Gelek kesan ji zilamê ku we behs kir hez nekir." Wî îdia kir ku Prensê Tac Mihemed bin Selman di kuştinê de ne beşdar bû û got, "Çi ji we re xweş be çi nebe, ev tişt diqewimin, lê ew ji vê yekê bêxeber bû."

Li gel raporek CIAyê ku Prensê Tac Mihemed bin Selman bi kuştinê ve girêdide, Trump berpirsiyariya Prensê Tac înkar kir û got, "Ev tişt diqewimin."