Zelenskyy ji bo serdaneke girîng îro tê Enqerê

PeyamaKurd - Serokê Ukraynayê Volodymyr Zelenskyy wê serdana Enqerê bike û sêyemîn civîna xwe ya rûbirû ya îsal bi Serokê Tirkiyê Recep Tayyip Erdogan re li dar bixe.

Hemû çav dê li ser hêviyên aştiyê di şerê Rûsya-Ukraynayê de bin. Recep Tayyip Erdoğan dê li Enqerê bi Volodymyr Zelenskyy re bicive.

Hûrguliyên derbarê civîna Erdogan bi hevtayê xwe yê Ukraynayî Zelenskyy re ji hêla Rêvebirê Ragihandinê Burhanettin Duran ve hatin parvekirin.

Di civînê de wê li ser vejandina danûstandinên aştiyê li Stenbolê nîqaş were kirin.

Sêyemîn civîna rûbirû ya serokan a îsal jî dê li Kompleksa Serokkomariyê pêk were. Babetê sereke yê rojevê wê şerê Rûsya-Ukraynayê be.

Enqereyê gelek caran alî li Tirkiyeyê anîne cem hev da ku li ser bidawîkirina şer, ku nêzîkî sala xwe ya çaremîn dibe, bi aştiyek adil û mayînde nîqaş bikin.

Di vê çarçoveyê de, Erdogan û Zelenskyy wê li ser gavên gengaz ên ji bo vejandina pêvajoya danûstandinan li Stenbolê nîqaş bikin. Mijara pevguhertina girtiyan bi Rûsyayê re jî wê were nîqaşkirin.

Erdogan û Zelenskyy wê hemû aliyên hevkariya stratejîk a Tirkiye-Ukraynayê jî binirxînin. Ew ê li ser tedbîrên ji bo xurtkirina hevkariya di navbera her du welatan de nîqaş bikin.