Agir li zeviya petrolê ya Iraqê
PeyamaKurd - Li zeviya petrolê ya El-Zubayrê li Besrayê, di teqînekê de kesek mir û neh kes birîndar bûn.
Li gorî daxuyaniyek ji Wezareta Petrolê ya Iraqê, îro li zeviyeke petrolê ya li başûrê Iraqê ji ber rijandina gazê di sîstema gazê de agir derket. Di bûyerê de kesek mir û neh kes birîndar bûn.
Herwiha di daxuyaniyê de hat diyarkirin ku agirkujan bersiva agir dane û ew xistine bin kontrolê, û nehiştine ku agir ber bi malên derdorê ve biçe.
Rêveberiya Tenduristiyê ya Besrayê diyar kir ku yek ji neh kesên ku di şewata zeviya petrolê ya El-Zubayrê de birîndar bûne jinek bû.
Li Iraqê standardên ewlehiyê nayên bicîhanîn. Welat ji bo 90% ji dahata xwe, bi taybetî di sektorên avakirin û veguhastinê de, xwe dispêre dahatên petrolê. Herwiha ji ber pevçûnan, welat xwedî binesaziyek hilweşiyayî ye, ku pir caran dibe sedema şewat û karesatên din ên kujer.
