فەرماندەیی ئۆپراسیۆنە هاوبەشەکانی عێراق : هەفتەی داهاتوو هاوپەیمانی نێودەوڵەتی لە بنکەی ئاسمانی عەین ئەسەد دەکشێتەوە

پەیامی کورد    ...   فەرماندەیی ئۆپراسیۆنە هاوبەشەکانی عێراق : هەفتەی داهاتوو هاوپەیمانی نێودەوڵەتی لە بنکەی ئاسمانی عەین ئەسەد دەکشێتەوە

▫️ فەرماندەیی ئۆپراسیۆنە هاوبەشەکانی عێراق ڕایگەیاند، لە ماوەی هەفتەیەکدا هێزەکانی هاوپەیمانی نێودەوڵەتی لە بنکەی ئاسمانی عەین ئەسەد دەست بە کشانەوە دەکەن و ئاماژەی بەوەدا کە ساڵی ٢٠٢٥ سەرکەوتنی بەرچاوی ئەمنی و کەم بوونەوەی بەرچاوی چالاکی گرووپە تیرۆریستییەکانی بەخۆیەوە بینیوە.

▫️ عەمید جەنەڕاڵ قەیس ئەلمحەممەداوی، جێگری فەرماندەی فەرماندەیی ئۆپراسیۆنە هاوبەشەکان لە کۆنگرەیەکی ڕۆژنامەوانی دا ڕایگەیاند کە “لەمساڵ دا هێزە ئەمنییەکانی عێراق لە هێرشی فڕۆکەی بێفڕۆکەوان دا ٣٩ تیرۆریستیان کوشتووە” و جەختی لەوە کردەوە کە “ڕێژەی دزەکردن لە سنوورەکانی عێراق ەوە گەیشتووەتە سەدا سفر”.

▫️ ئاماژەی بەوەش کرد، لە ساڵی ٢٠٢٦دا تەواوکردنی گواستنەوەی بەرپرسیارییەتی ئەمنی پارێزگاکانی ماوەتەوە بۆ وەزارەتی ناوخۆ، هاوکات هەماهەنگی ئەمنی لەگەڵ هێزی پێشمەرگە بەردەوام دەبێت بۆ پاراستنی ئاسایشی ناوچە کێشە لەسەرەکان.