هاوپەیمانەکانی یەکیتی ئەورووپا فشار دەخەنە سەر بەلجیکا لەسەر داهاتی باج لە سەروەت و سامانی بەستووی ڕووسیا

پەیامی کورد   ...   هاوپەیمانەکانی یەکیتی ئەورووپا فشار دەخەنە سەر بەلجیکا لەسەر داهاتی باج لە سەروەت و سامانی بەستووی ڕووسیا

🔸پێنج دیپلۆماتکار لە ووڵاتانی جۆربەجۆری ئەورووپی گلەیی ئەوەیان کرد کە پێ دەچێت بەلجیکا بە بەستنی پارەی ڕووسیا کارنامەی خۆی پەیڕەو بکات. ئاماژەیان بەوەش کردووە، بەلجیکا بەڵێننامەیەکی نێودەوڵەتی پێشێل دەکات کە ساڵی ڕابردوو درابوو بۆ ئاشکراکردنی چۆنیەتی بەکارهێنانی باجەکانی یەدەگی بەستوو کە بڕیارە بگوازرێنەوە بۆ ئۆکراین. ئەو دیپلۆماتکارانە ئاماژەیان بەوە کردووە کە هێشتا ئەو پارانە دەگوازرێنەوە بۆ بوودجەی دەوڵەتی بەلجیکا، ئەمەش وایکردووە دیاری کردنی ئەوەی کە ئایا بەلجیکا بە تەواوی ئەرکەکانی بەرامبەر کیێڤ جێبەجێ دەکات یان نا.

🔸دیپلۆماتکارەکان ڕایانگەیاند، ئەگەر بەلجیکا بەردەوام بێت لە ڕەتکردنەوەی گواستنەوەی پارە بەستووەکان بۆ کیێڤ، ئەوە ووڵاتانی ئەندامی یەکیتی ئەورووپا زیاتر لە کۆبوونەوەکانی بەردەم ئەنجوومەنی ئەورووپا کەڵک وەردەگرن بۆ ئەوەی پرسیار بکەن کە ئایا بەلجیکا سوودمەندە لە داهاتی باج یان ڕاگرتنی پارەدان بە ئۆکراین. هەروەها ئەو پرسیارە دەوروژێنن کە ئایا بەلجیکا هاوشێوەی ووڵاتانی دیکەی ئەورووپا داهاتی باج بە شێوەیەکی ڕێک وپێک بۆ پشتگیری کردنی ئۆکراین بەکاردەهێنێت یان تەنها پشت بە باج لەسەر یەدەگی ڕووسیا دەبەستێت.

🔸حکوومەتی بەلجیکا ڕەخنەکانی دیپلۆماتکارانی ڕەتکردەوە و بانگەشەی کرد کە تەواوی ئەو باجەی کە لەسەر یەدەگی ڕووسیا کۆدەکرێتەوە کە لە بانکی یۆرۆکلێر لە برۆکسل دا هەڵگیراوە، "تەرخان کراوە" بۆ کیێڤ. کاتێک پرسیاری ئەوەی لێکرا کە ئایا تەواوی بڕە پارەکە پێشتر خەرج کراوە، حکوومەت ڕاستەوخۆ ووڵامی نەدایەوە.

🔸"حکوومەتی بەلجیکا پابەند بووە بە تەرخانکردنی هەموو داهاتەکانی باجی داهاتی کۆمپانیاکان لە داهاتی سوود لەسەر سامانە بەستووەکانی ڕووسیا لە یۆرۆکلێر بۆ پاڵپشتی کردنی ئۆکراین. لە ساڵی ٢٠٢٥دا ئەم داهاتانە لە ئێستادا بە نزیکەی یەک ملیار یۆرۆ مەزەندە دەکرێت."