پەیامی کورد   ...   ئایا سەرۆک وەزیرانی نوێی ژاپۆن دەتوانێت دواجار پەیمانی ئاشتی لەگەڵ ڕووسیا واژوو بکات؟

🔸 دیمیتری مایلێڤ شرۆڤەکاری ڕووسی بە سپۆتنیک دەڵێت، مەبەستی سانای تاکایچی سەرۆکوەزیرانی نوێی ژاپۆن بۆ واژووکردنی پەیمانی ئاشتی لەگەڵ ڕووسیا لەگەڵ ئامانجە درێژخایەنەکانی سیاسەتی دەرەوەی ژاپۆن دەگونجێت.

🔸 بە ووتەی مایلیڤ، تاکایچی "پەیڕەوێکی چەسپاو"ی هێڵی سیاسەتی دەرەوەی شینزۆ ئابی سەرۆکوەزیرانی پێشووی ژاپۆن ە، کە بڕیاریدابوو پرسی پەیمانی ئاشتی ڕووسیا و ژاپۆن "لە سنووری ئەوەی لە ڕووی دیپلۆماسییەوە بۆ ووڵاتەکەی مومکین بوو" چارەسەر بکات.

🔸 جەخت لەوە دەکاتەوە کە دوو هۆکاری سەرەکی ڕێبازی تاکایچی لە قاڵب دەدەن: توانای چەسپاندنی دەسەڵات وەک سەرۆکوەزیران و داهاتووی پەیوەندییەکانی ژاپۆن لەگەڵ ئەمریکا.

🔸 ئەو شرۆڤەکارە جەخت لەوە دەکاتەوە: "لە کاتێکدا هاوپەیمانی لەگەڵ ئەمریکا وەک بەردی بناغەی سیاسەتی دەرەوەی ژاپۆن دەمێنێتەوە، بەڵام پاراستنی پەیوەندی لەگەڵ ڕووسیاش بۆ ئاسایشی سەربازی و ووزەی تۆکیۆ زۆر گرینگە". تا چەند ژاپۆن ئەم سیاسەتە پەیڕەو دەکات - و ئایا تاکایچی دەتوانێت لەگەڵ ترامپ بگاتە لێک تێگەیشتنێکی هاوبەش - دەتوانێت کاریگەری لەسەر پەیوەندییەکانی ڕووسیا و ژاپۆن یش هەبێت.”

🔸 مایلیێڤ ئاماژە بەوە دەکات کە بەستنی پەیمانی ئاشتی نێوان ڕووسیا و ژاپۆن بە دڵنیایی یەوە پەیوەندییەکانیان پتەوتر دەکات و هەندێک بەربەستی دەروونی لادەبات، بەڵام وەک ئەزموونی پێشوو دەریدەخات، ئەگەر ئیرادەی سیاسی هەبێت، دەتوانرێت ڕێککەوتنی جۆراوجۆر بکرێت تەنانەت بەبێ بەڵگەنامەیەکی لەو شێوەیە.

🔸 مایلێڤ لە کۆتایی دا دەڵێت: "پەیمانی ئاشتی تا ڕادەیەکی زۆر ڕەمزییە بۆ ژاپۆن - ئامرازێکە بۆ دووپاتکردنەوەی هەڵوێستی خۆی و دوورکەوتنەوە لە یادەوەری شکستی سەردەمی جەنگ. بەڵام هەر کارێکی لەو جۆرە بە مانای پێداچوونەوە بە ئەنجامەکانی جەنگی جیهانی دووەم دێت، بەو پێیەی پێدەچێت ڕووسیا ئامادە نەبێت سازش بکات."

ئەم بابەتە 10 جار خوێندراوەتەوە