Îtalyayê daxwaz kir ku Yekîtiya Ewropayê Pasdarên Îranê bixe lîsteya terorê

PeyamaKurd – Wezîrê Derve yê Îtalyayê Antonio Tajani, piştî pêla dawî ya serkutkirina xwepêşanderan li Rojhilatê Kurdistanê û Îranê, bi fermî bang li Yekîtiya Ewropayê (YE) kir ku Sipaha Pasdarên Şoreşa Îslamî (IRGC) wekî "rêxistineke terorîst" nas bike.

Tajani ragihand ku ew ê vê pêşniyarê di civîna roja pêncşemê ya wezîrên derve yên YEyê de bîne rojevê.

Designkirina Pasdaran wekî rêxistineke terorîst tê wê wateyê ku ev hêza leşkerî dê bikeve heman kategoriya komên wekî DAIŞ û El-Qaîdeyê.

Li gorî rêzikên YEyê, ev biryar dê bibe sedema cemidandina mal û milkên endamên Pasdaran, qedexeya geştê û birîna hemû peywendiyên darayî.

Ev zext di demekê de zêde dibin ku rêxistina HRANAyê ragihand ku di xwepêşandanên dawî de nêzîkî 6,000 hatine qetilkirin. Her çend welatên wekî Elmanya û Hollanda piştgiriyê bidin vê pêngavê jî, ji bo biryara dawî yekdengiya hemû endamên Yekîtiya Ewropayê hewce ye.