Koreya Başûr piştgirîyê dide danûstandinên Koreya Bakur-Amerîkayê

PeyamaKurd – Serokê Koreya Başûr Lee Jae Myung, di peyama xwe ya Sersalê de diyar kir ku ew ê bi awayekî çalak piştgirîya danûstandinên potansiyel ên Koreya Bakur-Amerîkayê bike da ku dîplomasiyê li Nîvgirava Koreyê vejîne.

Li gorî ajansa nûçeyan a Yonhap, Lee di peyama xwe de got ku hikûmeta Seulê wê hewl bide ku danûstandinên ku dikarin diyalogê di navbera Washington û Pyongyangê de ji nû ve bidin destpêkirin hêsan bike.

Lee soz da ku ji bo vegerandina têkiliyên di navbera Koreya Başûr û Bakur de li Nîvgirava Koreyê bixebite û hêvî kir ku Serokê Dewletên Yekbûyî yên Amerîkayê Donald Trump dikare diyalogê bi rêberê Koreya Bakur Kim Jong-un re ji nû ve bide destpêkirin.

Lee bang li rejîma Pyongyangê kir ku "kanalên ragihandinê ji nû ve ava bike" û got, "Erka dîrokî ya ku ji me re hatiye dayîn ev e ku em dijminatî û pevçûnê di navbera her du Koreyan de bi dawî bikin û têkiliyek nû ya navbera Koreyan li ser bingeha hevjiyana aştiyane ava bikin."