Wezîrê Berevaniya Brîtanya: Kestiya sîxûr a Rûsî gihîstiye sînorên me

PeyamaKurd- Wezîrê Berevaniya Brîtanya John Healey, eşkere kir ku keştiya sîxûr a Rûsî Yantar li sînorê avên Brîtanyayê ye û pîlotên balafira sîxuriyê ya Brîtanî ku çalakiyên wê dişopînin, ji bo bala wan belav bike lazer li wan hatiye girtin.

Healey ragihand ku Yantar di nava salekê de cara duyemîn e ketiye nav avên Brîtanyayê û ev keştî ji bo komkirina îstîxbaratê û nexşandina kabloyên binê avê hatiye çêkirin.

Li ser civîna çapemeniyê ya li Downing Street a Londonê Wezîr Healey got, "Peyama min ji Rûsya û Pûtîn re ev e: Em we dibînin. Em dizanin hûn çi dikin. Heke Yantar vê hefteyê ber bi başûr ve bi rê bikeve, em amade ne" û hişyarî da ku ev keştî beşek ji fîloya Rûsî ye ku ji bo xetereyê bixe ser binesaziya binê avê ya wan û hevalbendên wan hatiye dîzaynkirin.