Zelenskyy: Sanda me wê li Swîsreyê bi DYA, Almanya, Fransa û Îngilistanê re bicive

PeyamaKurd – Serokê Ukraynayê Volodymyr Zelenskyy ragihand ku nûnerên Ukrayna, DYA, Almanya, Fransa û Îngilistanê wê îro li Swîsreyê bicivin da ku li ser "plana aştiyê" ya ku ji hêla DYA ve ji bo bidawîkirina Şerê Rûsya-Ukraynayê hatiye amadekirin nîqaş bikin.

Zelenskyy di postek medyaya civakî de ragihand ku artêşa Rûsyayê êrîşên xwe yên hewayî li ser welatê wî didomîne.

Zelenskiy ragihand ku Rûsyayê îşev êrîşên hewayî li ser bajarên Dnipro û Nikopol ên li herêma Dnipropetrovsk pêk anîne, di encamê de 17 kes, di nav de sê zarok, birîndar bûne.

Zelenskiy parve kir ku Rûsyayê di hefteya borî de zêdetirî 1,050 wesayîtên hewayî yên bêmirov (UAV), nêzîkî 1,000 bombeyên hewayî yên rêberkirî û zêdetirî 60 mûşekên cûrbecûr li dijî Ukraynayê bi kar aniye.

Zelenskyy diyar kir ku hewldanên lêgerîn û rizgarkirinê li Ternopil, ku artêşa Rûsyayê di 19ê Mijdarê de êrîşek moşekî li wir kir, piştî çar rojan doh bi dawî bûn. Wî ragihand ku 33 kes, di nav de şeş zarok, li bajêr mirine û şeş kes hîn jî wenda ne.

Zelenskyy behsa "plana aştiyê" ya ku ji hêla Dewletên Yekbûyî yên Amerîkayê ve ji bo bidawîkirina Şerê Rûsya-Ukraynayê hatiye amadekirin kir û got, "Şandeya me wê îro li Swîsreyê bi nûnerên Dewletên Yekbûyî yên Amerîkayê, Almanya, Fransa û Îngilistanê re bixebite."