Berfa zêde li Kurdistanê: Geştyar asê man, rêyên gundan hatin girtin

PeyamaKurd – Li navçeyên Rewanduz û Soranê yên Hewlêrê berf û bagera giran jiyan felç kiriye. Gelek otobusên geştiyaran ên ku geştiyaran ji bo betlaneya sersalê dibirin li ser rêyan asê mane û bi sedan rêyên gundan ji bo trafîkê hatine girtin.

Berf û qeşa giran a ku di roja dawîn a sala 2025an de li bilindahiyên Herêma Kurdistanê ket, bû sedema astengiyên mezin di veguhastinê de.

Bi sedan geştiyar li Rewanduzê, navçeyek geştiyarî ya populer a Hewlêrê, û di nav sînorên Rêveberiya Serbixwe ya Soranê de li ser rêyan asê mane.

Geştyarên li Rewanduzê di otêlan de têne bicihkirin

Rêvebirê Geştiyariyê yê Rewanduzê Parez Yusuf diyar kir ku rewşa navçeyê krîtîk e û ji welatiyan xwest ku "ji bajêr dûr bisekinin."

Yusuf got, "Ji ber qeşa û berfa giran, rêyên ber bi Bêxal û Geliyê Elî Beg ve ji bo trafîkê hatine girtin. Ji bo ku komên geştiyaran ên asê mane êş nekişînin, em wan di otêl û motelan de bi cih dikin."

Li Soranê bilindahiya berfê gihîşt 1.5 metreyî.

Li navçeya Soranê, berfê jiyan bi temamî rawestand.