Nûnera MSDê: Tenê Beşek ji Eşrefiyê kete bin kontrola Artêşa Sûriyeyê

PeyamaKurd – Nûnera Amerîkî ya Encumena Demokratîk a Sûriyeyê (MSD) Sînem Muhammed ragihand ku Peymana 1ê Nîsanê hatiye binpêkirin û tenê beşek ji taxa Eşrefiyê ketiye bin kontrola artêşa Sûriyeyê.

Muhammed di axaftina xwe de ji Rudawê re diyar kir ku heta niha 12 kesan di pevçûnan de canê xwe ji dest dane.

Wê got ku beşa ku Kurd lê dijîn hîn jî di bin kontrola Hêzên Ewlehiya Navxweyî (Asayîş) ên Rêveberiya Xweser de ye. Wê herwiha got, "Ew dixwazin Kurd li Helebê bimînin."

Sînem Muhammed diyar kir ku "heta niha 12 kesan di pevçûnan de canê xwe ji dest dane", û malbateke ji pênc kesan jî rastî êrîşê hatiye û bi tevahî hatiye kuştin.

Derbarê rewşa Eşrefiyê de, wê got:

"Eşrefiye taxeke mezin e û beşek ji wê ji aliyê Ereban ve tê niştecîkirin; ew beş ketiye bin kontrola Artêşa Erebî ya Sûriyeyê. Lêbelê, beşa ku ji aliyê Kurdan ve tê niştecîkirin hîn jî di bin kontrola Hêzên Ewlekariya Navxweyî yên Rêveberiya Xweser de ye."

Muhammed tekez kir ku Asayîş "şer naxwaze", û got, "Ji ber ku ew naxwazin hejmara şehîdan bêtir zêde bibe. Tax di bin dorpêçê de ne, û bi tank û topan êrîşî wan tê kirin."