مەشقی هاوبەش لەنێوان هەسەدە و هێزەکانی هاوپەیمانیی نێودەوڵەتی

پەیامی کورد- حەسەکە... مەشقی هاوبەش لەنێوان هەسەدە و هێزەکانی هاوپەیمانیی نێودەوڵەتی

هێزەکانی سوریای دیموکرات بە بەشداریکردنی هێزەکانی هاوپەیمانیی نێودەوڵەتی"، بۆ سێیەم ڕۆژ لەسەر یەک مەشقی سەربازییان لە بنکەی "قەسرک"ی باکووری حەسەکە ئەنجامدا، کە تێیدا ڕاهێنان لەسەر بەکارهێنانی ئەو چەکە پێشکەوتووانە کرا کە بەم دواییە گەیشتوونەتە بنکە سەربازییەکە. ئەمەش هاوکات بوو لەگەڵ فڕینی فڕۆکە جەنگی و هەلیکۆپتەرەکانی سەر بە هێزەکانی هاوپەیمانیی نێودەوڵەتی، لەنێو دەنگی بەهێزی بۆردومان و فڕینی فڕۆکەکان لە بەرزییەکی نزمدا بەسەر گوندەکانی دەوروبەردا.

ئەمەش لە چوارچێوەی بەردەوامیی مەشقە سەربازییە هاوبەشەکاندا دێت لەناو بنکەکانی هاوپەیمانیی نێودەوڵەتی شانبەشانی هێزەکانی سوریای دیموکرات، بە ئامانجی بەرزکردنەوەی ئاستی ئامادەیی جەنگیی هێزەکان.

سەرچاوەکان جەختیان کردەوە کە مەشقەکان بەکارهێنانی چەکی قورس و مامناوەند و هەروەها تەقینەوەی ئاڕاستەکراو لەخۆدەگرن، ئەوەش وەک بەشێک لە بەرنامەی مەشقی سەربازیی خولیی هاوبەشی نێوان هەردوولا، و هیچ زانیارییەک نییە کە ئاماژە بێت بۆ بوونی بەئامانجگرتن یان هێرشێک لە ناوچەکەدا.