پەیامی کورد   ...   ئیسرائیل کاتز : ئەوەی بە تاران مان کرد بە حووسییەکانی یەمەنی دەکەین

حووسیەكانی یەمەن ڕایگەیاند "چوار ئۆپێراسیۆنی سەربازییان لەدژی ئیسرائیل کردووە . ئیسرائیل کاتز وەزیری بەرگری ئیسرائیل یش هەڕەشە لە یەمەن دەکات و دەڵێت : چیمان بە ئێران کرد ئەوەش بە یەمەن دەکەین

ووتەبێژی سەربازی حووسییەکان ڕایگەیاند، یەکێک لە مووشەکەکان فڕۆکەخانەی بێن گۆریۆن و هەروەها سێ شوێنی دیکەیان لە یافا و عەسقەلان و ئیلات بە درۆن بە ئامانج گرتووە.

دوابەدوای هێرشەکان، ئیسرائیل کاتز، وەزیری بەرگری ئیسرائیل هەڕەشەی لە حووسییەکان کرد و ووتی : دوای پانکردنەوەی سەری مارەکە،  نۆرەی یەمەنە، وەک تاران مامەڵەی لەگەڵ بکەین، ئێمە لە حووسییەکانی یەمەن دەدەین و هەرکەسێکیش دەستی لە دژی ئیسرائیل بەرز بکاتەوە، ئەو دەستەی دەبڕین. 

هەروەها مایک هاکابی، باڵیۆزی ئەمریکا لە ئیسرائیل هۆشداری بە حووسییەکان دا و ووتی "پێمان وابوو هەڵدانی مووشەک بۆ ئیسرائیل تەواو بووە، بەڵام حووسییەکان مووشەکێکیان ئاراستەی ئێمە کرد لە ئیسرائیل، ڕەنگە فڕۆکە بۆمب هاوێژەکانی بی دوو پێویستیان بە سەردانی یەمەن بێت".