بونیاتنانی ئەمڕۆ بۆ کوردستانی سبەینێ

پەیامی کورد   ...   بونیاتنانی ئەمڕۆ بۆ کوردستانی سبەینێ

کابینەی نۆیەمی حکوومەتی هەرێمی کوردستان بە سەرۆکایەتی مەسروور بارزانی، یەکێک لە قۆناغە هەرە دژوارەکانی لە مێژووی هەرێم دا تێپەڕاند و کردییە ساتێکی نوێ بوونەوە و گۆڕانکاری. لە بەرامبەر فشارە ئابوورییەکان و نادڵنیایی سیاسی، کابینەکە چاکسازی و خۆڕاگری و بەمۆدێرن کردنی لەبری پاشەکشە هەڵبژارد.

لە چاکسازی دیجیتاڵی و شەفافیەتی دارایی یەوە هەتا دەگاتە ژێرخانی وزە و پڕۆژەکانی پەروەردە، کارەکانی کابینەی نۆیەم ڕەنگدانەوەی دیدێکی ڕوونن بۆ بۆنیاتنانی کوردستانێکی بەهێزتر و پشت بەستوو بەخۆ. ڕێگه‌وبان و نەخۆشخانە و تۆڕی کارەبا و قوتابخانەکان تەنیا پڕۆژە نین؛ ئەوان هێمای سەقامگیری و هیوان، بۆ خەڵک و داهاتوو بونیات نراون.

پەیامی ئەم کابینەیە ڕوونە: "بونیاتنانی ئەمڕۆ بۆ کوردستانی سبەینێ." حکوومەت لە ڕێگەی چاکسازی و داهێنان و یەکڕیزییەوە دەیسەلمێنێت، کە قەیرانەکان دەتوانن ببنە دەرفەت و هەموو ئاڵەنگارییەک دەتوانرێت بکرێتە پێشکەوتن.

دەربارەی (هەژماری من)

 (هه‌ژمار من) پڕۆژه‌یه‌كه‌ ئامانجی په‌ره‌پێدانی ژێرخانی ئابووری و درووستكردنی ژێرخانی بانكی دیجیتاڵی گشتگیرییه‌ له‌ هه‌رێمی كوردستان. هەتا ئێستا ۹۰۰ هەزار و ٦۰۰ فه‌رمانبه‌ر خۆیان لە پڕۆژەکە تۆمار كردووە. له‌ هه‌ولێر ٤٠١.٨١٥ فه‌رمانبه‌ر و سلێمانی ٢٧٨.٦٣٠ و دهۆك ٢٢٠.١٥٥ فه‌رمانبه‌ر تۆمار كراون. لە هەمان کاتدا هەتا ئێستا ٥۱۷ هه‌زار كارتی بانكی ئامادە کراون. له‌گه‌ڵ ئه‌وه‌شدا ٤٤٠ ئامێری ڕاكیشانی پاره‌ دانراون. بەم شێووەیە، له‌ هه‌ولێر ٢٢٦، سلێمانی ٣٣ و دهۆك ١٤٥ دانه‌ له‌ كۆی ئه‌و ژمارانه‌ ٤٦٥ هەزار فه‌رمانبه‌ر كارتی مووچه‌یان وه‌رگرتووه‌.

له‌ كۆی ئه‌و بانكانه‌ی به‌شدارییان له‌ پڕۆژه‌كه‌دا كردووه‌، بریتین له‌ بانكەکانی (جیهان، ئێقلیمی بازرگانی، بی بی ئه‌ی سی، ئه‌هلی عێراقی، به‌غداد، ئیسلامی عێراق و بانكی عێراقی بۆ بازرگانی).

سووده‌كانی پرۆژه‌ی هه‌ژماری من

ئه‌م پڕۆژه‌یه‌ سوودی زۆر گه‌وره‌ی هه‌یه‌، بەشێکیان بریتین لە:

-  ئاسایشی به‌هێزتری دارایی.

-  له‌ سه‌رتاسه‌ری جیهان كاری پێده‌كرێت.

-  به‌دیجیتاڵكردنی پرۆسه‌ی پێدانی مووچه‌.

-  دروستكردنی هه‌ژماری بانكی بۆ فه‌رمانبه‌ران.

-  دابینكردنی ژێرخانی شه‌فاف و ده‌ستگه‌یشتن به‌ خزمه‌تگوزارییه‌ بانكییه‌كان.