پەیامێک لە سەرۆکی حکوومەتی ھەرێمی کوردستانەوە

پەیامی کورد    ...   پەیامێک لە سەرۆکی حکوومەتی ھەرێمی کوردستان ەوە

سەرۆکی حکوومەتی ھەرێمی کوردستان پرسەو سەرەخۆشی خۆی ئاراستەی کەس وکاری قوربانیان دەکات و ھیوای چاکبوونەوەی خێراش بۆ برینداران دەخوازێت.

دەقی پەیامی سەرۆکی حکوومەتی ھەرێمی کوردستان.

بە داخەوە بە ھۆی لافاوەوە، دوو ھاووڵاتی لە شارەدێی شۆڕش سەر بە قەزای چەمچەماڵ گیانیان لە دەست داوە و زیانی ماددیش بەر ماڵی ھاووڵاتییان و قوتابخانە و فەرمانگەکانی حکوومەت کەوتووە.

پرسەو سەرەخۆشی قووڵی خۆم ئاراستەی کەسوکاری قوربانیان دەکەم و ھاوبەشی خەمیانم، ھیوای چاکبوونەوەی خێراش بۆ برینداران دەخوازم.

وەزارەتە پەیوەندیدارەکان و ئیدارەی خۆجەییم ڕاسپاردووە کە بە ھانای لێقەوماوانەوە بچن و ھەر ھاوکاری و یارمەتییەک پێویست بێت، پێشکەشیان بکەن.

مەسروور بارزانی

سەرۆکی حکوومەتی ھەرێمی کوردستان

٢٠٢٥/١٢/٩