Amerîka ji bo Îranê: Yan peyman yan hîç

PeyamaKurd – Wezîrê Parastinê yê Amerîkayê Pete Hegseth, peyameke lezgîn û tund arasteyî rayedarên Îranê kir.

Hegseth ragihand ku ji bo Tehranê tenê du rê hene: “an rêkeftin û diyalog, an jî tiştek”.

Wezîrê Amerîkî destnîşan kir ku Serok Donald Trump her çend naxwaze bi Îranê re bikeve nav şerekî, lê tekez kir ku artêş ji bo “senaryoyên gengaz bi tevahî amade ne”.

Hegseth daxwaz kir ku Tehran bêyî derengmayîn vegere ser maseya danûstandinan û hişyarî da ku eger diyalog pêk neyê, Washington dê “vebijarkên din bişopîne”.

Hat diyarkirin ku Trump ji bo “rêkeftineke aştiyê” amade ye, bi mercê ku aliyê Îranî di daxwaza xwe de samîmî be.

Wezîrê Parastinê di dawiya daxuyaniya xwe de dubare kir ku ji bo Îranê ji xeynî lihevkirinê tu rêyeke din a bi encam nîn e.