Çîn li dijî kêmbûna nifûsê amadekariyê dike ku mesrefên zayînê bike belas

PeyamaKurd – Hikûmeta Çînê plan dike ku hemû mesrefên têkildarî zayînê li seranserê welêt belaş bike da ku teşwîq bike ku dêûbavîtî li hember rêjeya zayînê ya kêm bibe bersiv.

Rêveberê Rêveberiya Sîgortaya Tenduristiyê ya Neteweyî Cang Ke li Pekînê ragihand ku rêziknameyeke nû ya tenduristiyê ya giştî tê pêşxistin ku li gorî wê mesrefên tenduristiyê yên têkildarî zayîn û ducaniyê wê ji hêla dewletê ve werin dayîn. Plan herwiha armanc dike ku vegirtina sîgortayê ji bo muayeneyên berî zayînê û dermanên êşê yên ku di dema zayînê de têne bikaranîn berfireh bike.

Li Çînê, ku rêjeya mezinbûna nifûsê di salên dawî de hêdî bûye, hikûmetên navendî û herêmî ji bo kêmkirina mesrefên zayînê, lênêrîna zarokan û perwerdehiyê gelek teşwîqan pêk tînin. Armanc ew e ku bernameya vegirtina mesrefên zayînêku berê li hin parêzgehan ceribandin, berfireh bibe da ku kesên li derveyî tora ewlehiya civakî jî tê de bin.