Îranê êrîsa asmanî ya Îsraîlê li ser Beyrûdê sermezar kir!

PeyamaKurd – Wezareta Karên Derve ya Îranê êrîşa asmanî ya Îsraîlê li ser başûrê Beyrûdê wekî binpêkirina agirbestê û serweriya Lubnanê bi nav kir.

Wezareta Karên Derve êrîşa asmanî ya Îsraîlê li ser başûrê Beyrûdê şermezar kir, ku di encamê de fermandarê leşkerî yê payebilind ê Hizbullahê, Elî Tabatabaî, hat kuştin.

Wezareta Karên Derve ya Îranê êrîşa asmanî wekî "binpêkirineke eşkere" ya peymana agirbestê ya Îsraîl-Lubnanê û "êrîşek hovane" li ser yekparçeyiya xakî û serweriya neteweyî ya Lubnanê bi nav kir.

Di daxuyaniyê de herwiha fikarên xwe li ser "binpêkirinên agirbestê yên dubarekirî û bêdengiya Neteweyên Yekbûyî û Konseya Ewlekariyê ya li ser êrîşên berdewam" anî ziman.