Pûtîn û Erdogan li ser plana Trump axivîn: Dikare bibe bingeha astiyê

PeyamaKurd- Koşka Kremlînê ya Rûsyayê ragihand ku Serokomarê Tirkiyê Recep Tayyip Erdogan û Serokê Rûsyayê Vladîmîr Pûtîn bi rêya telefonê axivîne û rewşa Ukraynayê û pêşniyarên çareseriyê yên Amerîkayê, gotûbêj kirine.

Kremlînê ragihand ku Pûtîn û Erdogan, "Di çarçoveya rewşa Ukraynayê û pêşniyarên DYAyê de, pevguhertina ramanankirin”.

Herwiha hate diyar kirin, pêşniyarên Trump, bi hevdîtina Rûs-Amerîkî ya Alaskayê re hevaheng in û dikarin bibin bingeha peymaneke aştiyê ya dawî.

Di daxuyaniyê de hat destnîşankirin ku Pûtîn di hevdîtinê de meyla Rûsyayê ya ji bo çareseriyeke siyasî û dîplomatîk ji bo krîza Ukraynayê dubare kiriye û hate tekezkirin ku Pûtîn destnîşan kiriye ku pêşniyarên Amerîkayê dikarin bibin bingeha çareseriyê.