Zelensky: "Rûsya ser dirêj dike"

PeyamaKurd – Serokê Ukraynayê Volodymyr Zelensky derbarê şerê Rûsya-Ukraynayê de daxuyanî da.

Zelensky îdia kir ku Rûsya şer dirêj dike.

Zelensky li ser hesabê xwe yê medyaya civakî derbarê êrîşên hewayî yên hefteya dawî yên li dijî Ukraynayê de postek parve kir.

Zelensky diyar kir ku artêşa Rûsyayê îşev êrîşî welatê wî kiriye û got, "Birîndar hene. Rûsya şer dirêj dike û dixwaze bi qasî ku pêkan zirarê bide gelê me."

Zelensky diyar kir ku Rûsyayê doh binesaziya enerjiyê li herêmên cuda yên Ukraynayê hedef girtiye û destnîşan kir ku bi sed hezaran kes bê elektrîk mane, nemaze li herêmên Mykolaiv, Odessa, Kherson, Chernihiv, Donetsk, Sumy û Dnipropetrovsk.

Zelensky nirxand ku ew bi hevalbendan re ji bo bidawîkirina şer xebata xwe didomînin û got, "Ev roj wê bi dîplomasiyê re bi awayekî xurt derbas bibin."

Serokê Ukraynayê Zelensky ragihand ku artêşa Rûsyayê tenê di hefteya dawî de bi zêdetirî 1500 wesayîtên hewayî yên bêmirov (UAV), nêzîkî 900 bombeyên hewayî yên rêberkirî û 46 moşekên cûrbecûr êrîşên esmanî pêk aniye.