Trump ji bo êrîşeke leşkerî ya muhtemel li ser Nîjeryayê hişyarî da!

PeyamaKurd - Serokê Amerîkayê Donald Trump hişyarî da ku alîkariya Amerîkayê ya ji bo Nîjeryayê wê were qutkirin û dibe ku êrîşeke leşkerî were destpêkirin.

Trump li ser platforma medyaya civakî Truth Social postek parve kir.

Trump destnîşan kir ku heke hikûmeta Nîjeryayê "destûrê bide kuştina Xiristiyanan" wê tavilê hemû alîkarî û piştgiriya ji bo Nîjeryayê qut bike, Trump herwiha hişyarî da ku ew dikare "bi çekên agirîn" bikeve welêt.

Donald Trump bang li hikûmeta Nîjeryayê kir ku bi lez tevbigerin û got, "Ez talîmatê didim Wezareta me ya Şer ku ji bo her çalakiyek muhtemel amade be. Ger em êrîş bikin, ew ê bilez, hovane û nerm be, mîna ku çeteyên terorîst êrîşî Xiristiyanên me yên delal dikin."

Di 31ê Cotmehê de, Trump li ser hesabê xwe yê Truth Social postek weşand û Nîjerya ji ber "komkujiyên li dijî Xiristiyanan" wekî "welatekî bi taybetî fikar" îlan kir.