Nêçîrvan Barzanî: “Em bi Fransayê re di heman fikrê de ne”

PeyamaKurd – Serokê Herêma Kurdistanê Nêçîrvan Barzanî ragihand ku bi Fransayê re di mijara pêşdeçûnên li Sûriyê de hemfikrin û balê kişand ser girîngiya peymana navbera Şamê û Hêzên Sûriya Demokratîk (HSD).

Wezîrê karên derve yê Fransayê Barrot jî weha got:

“Çawa li Iraqê mafên Kurda tê parastin, em dixwazin li Sûriyê jî wisa bê parastin.”

Wezîrê karên derve yê Fransayê Jean-Noël Barrot bi seredanekî fermî li Erbîlê ye û bi serokê Herêma Kurdistanê bi Nêçîrvan Barzanî re hevdîtin kir û piştî hevdîtinê her dû lîder derketin ber çapemeniyê.

Barrot, li ser peymana navbera HSDê û Şamê, behsa rola Nêçîrvan Barzanî kir, rola wî bilind nirxand û bi sedema xebata Nêçîrvan Barzanî sipasiya wî kir.

Barrot behsa hevkariya hêzên Pêşmerge û artêşa Fransayê kir û got:

“Hêzên Fransayê û Pêşmerge li dijî terorê bi hevre şer kirin. Em ê vê têkoşîna xwe dewam bikin.”