دەست بەسەرکردنی لانیکەم ١٥ هاووڵاتی پارێزگای ئیلام لەلایەن هێزە سەرکوتكەرەکانی ئێران ەوە 

• دەست بەسەرکردنی لانیکەم ١٥ هاووڵاتی پارێزگای ئیلام لەلایەن هێزە سەرکوتكەرەکانی ئێران ەوە

لە ٢٠ی بەفرانبار تا ٢٦ی بەفرانباری ساڵی ١٤٠٤ لانیکەم ١٥ هاووڵاتی کورد، خەڵکی شار و گوندە جۆراوجۆرەکانی پارێزگای ئیلام بە بێ فەرمانی قەزایی بە تووندوتیژی لە لایەن هێزە سەرکوتكەرەکانی ڕێژیمەوە دەست بەسەر کران.

ناوی دەست بەسەرکراوان بریتین لە: "مێهرداد حەسەنوەند، هابیل بەیگ موحەممەدی، حەمید چراغی، ساسان پاکرەوان، زاهید زارعی، جەعفەر مەحموودی، حسێن مەحموودی، سەعید یاسەمی، حەسەن خۆشروو، مێهرداد نەسیری، موجتەبا حاجیان، فەرزانە سەیدی، محەممەدڕەزا شەهبازی، زەهرا نەزەری و کیان نەگەهدار".

بەگوێرەی ئەو زانیارییانەی دەست کەوتوون، ئەو کەسانە لە شوێنی نادیار ڕاگیراون و بە تێپەڕبوونی ١٩ ڕۆژ، تا ئێستا هیچ زانیارییەك سەبارەت بە بارودۆخ، شوێنی ڕاگیران و ئەو تۆمەتانەی دراوەتە پاڵیان لە بەردەست دا نییە.