ڕێکخراوی تەندروستی جیهانی زیاتر لە هەشت تەن پێداویستی پزیشکی دەگەیەنێتە قامیشلۆ

پەیامی کورد- قامیشلۆ 
ڕێکخراوی تەندروستی جیهانی دوێنێ یەکشەممە ڕادەستکردنی زیاتر لە هەشت تۆن کەلوپەلی پزیشکی بۆ ناوەندە تەندروستییەکانی شاری قامیشلۆ لە باکووری ڕۆژهەڵاتی سوریا ڕاگەیاند.
حەلا زغەیبە، بەڕێوەبەری پرۆگرامی دەستڕاگەیشتن بە دەرمان و بەرهەمە پزیشکییەکان لە سوریا لە ڕێکخراوی تەندروستی جیهانی ڕایگەیاند کە پێداویستییە پزیشکییەکان لە ڕێگەی پێنج بارهەڵگرەوە لە کۆگاکانی ڕێکخراوەکە لە لازقیە و گوندنشینی دیمەشق گواستراونەتەوە.
ئاماژەی بەوەشکردووە، "پێداویستییە پزیشکییەکانی گەیاندراو بریتی بوون لە ئامێری کۆنترۆڵکردنی کۆلێرا، پێداویستی فریاگوزاری و ئامێری چاودێریکردنی زەبر و زەنگ".
ئەو ڕوونیکردەوە، "ئەم بارکردنە گرنگە بە تایبەتی، چونکە لە کاتێکدایە کە زۆرێک لە نەخۆشخانەکان و ناوەندە تەندروستییەکان ڕووبەڕووی کەمیی بودجە و بەرزبوونەوەی بڵاوبوونەوەی نەخۆشییەکان بوونەتەوە". چوارشەممەی ڕابردوو، دەسەڵاتی تەندروستیی ئیدارەی خۆسەری باکور و ڕۆژهەڵاتی سوریا، حکومەتی کاتی سوریای تۆمەتبارکرد بەوەی کە سنووردارکردنی توندی بۆ هاتنە ناوەوەی دەرمان و پێداویستییە پزیشکییەکان بۆ ناوچەکانی خۆی داناوە، ئەمەش بووە هۆی کەمیی زۆر و بەرزبوونەوەی بەرچاوی نرخی دەرمان و خزمەتگوزارییە تەندروستییەکان.