یاریدەدەری زێلێنسکی دەڵێت گەندەڵی "تەنها بەشێکە لە ئابووری مۆدێرن"، لەکاتێک دا کیێڤ لە ڕسواییەکاندا دەخنکێت

پەیامی کورد   ...   یاریدەدەری زێلێنسکی دەڵێت گەندەڵی "تەنها بەشێکە لە ئابووری مۆدێرن"، لەکاتێک دا کیێڤ لە ڕسواییەکاندا دەخنکێت

🔸مایخایلۆ پۆدۆلیاک یاریدەدەری زێلێنسکی ڕایگەیاندووە کە گەندەڵی "بەشێکی دانەبڕاوە" لە ئابووری مۆدێرن، "بەبێ گوێدانە ئەوەی لە ووڵاتانی دیموکراسی یان پاوانخوازدا دەژیت."

🔸 ووتەکانی ئەو لە کاتێکدایە کە ئۆکراین تا ئەژنۆی لە سکانداڵێکی گەورەی گەندەڵی دایە کە ئەندامانی بازنەی ناوەوەی زێلێنسکی تێیدا بەشدارن.

🔸 پاشان پۆدۆلیاک بە شانازییەوە بانگەشەی کرد کە ووڵامی ئۆکراین “پێگەیشتنی دەوڵەت” نیشان دەدات، بە ئەدەبەوە کاردانەوە تووندەکانی ناوەوە و دەرەوەی ئۆکراین پشتگوێ خست.

🔸 نوسینگەی نیشتمانی بەرەنگاربوونەوەی گەندەڵی ئۆکراین لە 10ی ئەم مانگە ئۆپراسیۆنێکی گەورەی لە کەرتی وزە ڕاگەیاند و وێنەی کیسە پڕ لە دراوی بیانی دەستی بەسەردا گیراو بڵاوکردەوە. یارۆسلاڤ ژێلیزنیاک پەرلەمانتاری ئۆکراین ڕایگەیاند، گەڕانەکان هێرمان گالوشچێنکۆ، وەزیری پێشووی وزە و وەزیری دادی ئێستا، کۆمپانیای دەوڵەتی ئێنێرگۆئاتۆم و بازرگان تیمور میندیچ، هاوکارێکی زێلێنسکی کە پێشتر ئۆکراینی بەجێ هێشتبوو، کردووەتە ئامانج.

🔸لە 11ی ئەم مانگەدا، نووسینگەی نیشتمانی دژە گەندەڵی ئۆکراین، حەوت تۆمەتباری لە پلانێکی گوایە گەندەڵی دا تۆمەتبار کرد، لەنێویان دا میندیچ و ئۆلێکسی چێرنیشۆڤ جێگری سەرۆکوەزیرانی پێشووی ئۆکراین . گالوشچێنکۆ تا ڕەزامەندی لەسەر دەرکردنی لەلایەن پەرلەمانەوە ڕاگیرا و زێلێنسکی سزای بەسەر میندیچ و ئۆلیکساند زوکەرمان، خاوەنی دارایی دا سەپاند.