پەیامی کورد   ...   باڵیۆزی بەریتانیا لە تاران لەگەڵ ووتەبێژی وەزارەتی دەرەوەی ئێران کۆبووەوە

ئیسماعیل بەقایی ووتەبێژی وەزارەتی دەرەوە، ڕۆژی چوارشەممە لەگەڵ هوگۆ شۆرتێر باڵیۆزی بەریتانیا لە تاران کۆبووەوە و لە درێژەی پەیوەندییەکانی لەگەڵ باڵیۆز و بەرپرسانی نوێنەرایەتییەکانی نیشتەجێی تاران بەردەوام بوو.
ناوبراو لەسەر تۆڕی ئێکس نێت وۆرک نووسیویەتی: "ئەمڕۆ لە ئۆفیسەکەم دا لەگەڵ هوگۆ شۆرتێر، باڵیۆزی بەریتانیا لە تاران کۆبوومەوە و قسەم کرد، باسمان لەو پرسانە کرد کە هەڕەشە لە ئاشتی و ئاسایشی ناوچەیی و نێودەوڵەتی دەکەن و پێویستی وەرگرتنی بەرپرسیارییەتی هەموو حکوومەتەکان بەپێی یاسا نێودەوڵەتییەکان."