پەیامی کورد -    شێخ نەعیم قاسم سکرتێری گشتیی حیزبوڵڵای لوبنان بە وتارێک پێش سەردانەکەی تۆم باراک، نێردەی تایبەتی ئەمریکا و جێگرەکەی، مۆرگان ئۆرتاگوس، پێش بە سەردانەکەی داهاتووی ئەمەریکا، کە تیایدا ڕایگەیاند، ئەو پارتە چەکەکانی خۆی ڕادەست ناکات و پابەند نابێت بە پلانی ئەمریکاوە.

 

ئەم هەڵوێستە بە پەرەسەندنێکی بێ وێنە لە ڕیتۆریکی سیاسی دادەنرا، کە هەڕەشەی کردنەوەی دەرگای ئەگەری ڕووبەڕووبوونەوەی ناوخۆیی دەکرد، بەتایبەتی کە حکومەت بەرپرسیار بێت لە هەر تەقینەوەیەک یان ناکۆکییەک کە لەوانەیە ڕووبدات. لێدوانەکانی قاسم کاردانەوەی سیاسی بەربڵاوی بەدوای خۆیدا هێنا، ئەمەش گوزارشت لە پەرەسەندنی ئەو گۆشەگیرییە دەکات کە پارتەکە لە ناوخۆدا ڕووبەڕووی دەبێتەوە.

 

چاودێران ئاماژە بەوە دەکەن کە حیزبوڵڵا ئێستا لەبەردەم واقیعێکی جیاواز لە جاراندایە، کە بەشێکی بەرچاوی هاوپەیمانییە ناوخۆییەکانی و ئەو بەرگە سیاسییەی کە پشتی پێبەستبوو لەدەست داوە. هاوکات پشتبەستن بە سوپای لوبنان و پاڵپشتی دەرەکی بۆ بەهێزکردنی دەسەڵاتی دەوڵەت و درێژکردنەوەی سەروەری وڵاتەکەی لە زیادبووندایە.

 

---

لینا ڕەشید / لوبنان

ئەم بابەتە 490 جار خوێندراوەتەوە