پەیامی کورد   ...   دۆناڵد ترامپ مەرجی ڕێکەوتنەکانی لەگەڵ ئێران ڕاگەیاند

ترامپ مەرجی ڕێککەوتنی لەگەڵ ئێرانی ڕاگەیاند : ڕاگرتنی پشتیوانیکردن لە گرووپە نیابەتییەكان  و دەست بەرداربوونی بەرنامەی ئەتۆمی

لە میانەی کۆبوونەوەی ئەنجوومەنی هاوکاری کەندئاو بە میوانداری محەممەد بن سەلمان لە ڕیاز، ڕۆژی چوارشەممە ، دۆناڵد ترامپ، سەرۆک کۆماری ئەمریکا جارێکی دیکە جەختی لە سەر پێویستی ڕاگرتنی بەرنامە ئەتۆمییەکەی کۆماری ئیسلامی ئێران و کۆتایی هێنان بە پشتیوانییەکانی تاران لە گرووپە نیابەتییەكان لە ناوچەکەدا کردەوە.

ناوبراو ڕایگەیاند کە ئامادەی ڕێککەوتنی دەست بەجێ لەگەڵ ئێرانە، بەو مەرجەی کۆماری ئیسلامی دەست لە پشتیوانی کردنی حەماس و حیزبۆڵڵا و حووسییەکان هەڵبگرێت و بە شێوەیەکی هەمیشەیی دەستبەرداری بەدەست هێنانی چەکی ئەتۆمی بێت.

ئەم لێدوانانە لە کاتێکدا دراوە کە ئێران و ئەمریکا لە مانگی ڕابردووەوە چوار خولی دانوستانی ئەتۆمییان ئەنجامداوە.