مەسیحییەکانی حەسەکە: ڕێککەوتن لەگەڵ ئیدارەی خۆسەر بۆ کردنەوەی قوتابخانە ئەهلییەکان
پەیامی کورد- حەسەکە
وائیل میرزا، نوێنەری قەشەی کەنیسەی ئاشووری ڕۆژهەڵات لە سوریا، دوێنێ یەکشەممە ڕاگەیاند، ڕێککەوتنێک لەگەڵ ئیدارەی خۆسەر کراوە بۆ کردنەوەی قوتابخانە ئەهلییەکانی سەر بە کڵێساکان، کە لە ڕۆژی دووشەممەوە دەستپێدەکات.
لە بەیاننامەیەکدا سەرۆکی مەزهەبەکانی مەسیحی لە ئەلجەزیرە و ناوچەی فورات ڕێککەوتنێکیان لەگەڵ ئیدارەی خۆسەر بۆ کردنەوەی قوتابخانە ئەهلییەکانی سەر بە کڵێسا ڕاگەیاند.
لە بەیاننامەکەدا سەرۆکی مەزهەبەکانی مەسیحی لە ئەلجەزیرە و ناوچەی فورات ڕایانگەیاندووە، دوای زنجیرەیەک کۆبوونەوە و ڕاوێژ لەگەڵ دەسەڵاتی پەروەردەی ئیدارەی خۆسەری باکور و ڕۆژهەڵاتی سوریا، ڕێککەوتن کراوە کە قوتابخانەکانی کەنیسەی بەردەوام بن لە وتنەوەی مەنهەجی وەزارەتی پەروەردەی سوریا لە ماوەی ساڵی خوێندنی 2025-2026، لەگەڵ وانەکان کە لە ڕۆژی دووشەممەوە دەستپێدەکات.
میرزا ئاماژەی بەوەشکرد، نێردراوێکی فەرماندەی گشتی هێزەکانی سوریای دیموکرات، جەنەڕاڵ مەزلوم عەبدی، ئاگاداری کردونەتەوە کە قوتابخانە ئەهلییەکانی سەر بە کڵێسا مەسیحییەکان ڕێگەیان پێدەدرێت دەست بە ئۆپەراسیۆنەکانیان بکەنەوە.
بەیاننامەیەکی سەرۆکی ئایینزا مەسیحییەکانی ناوچەی جزیرە و فورات ھاتووە: "سوپاس و پێزانینی خۆمان ئاراستەی ھەموو لایەنەکان دەکەین، بەتایبەت ژەنەڕاڵ مەزلوم عەبدی، بۆ تێگەیشتن لە ھەستیاری دۆخەکە و سروشتی ناوازەی دامەزراوە پەروەردەیی و کۆمەڵایەتییەکانی کڵێسا".
