سه‌رۆکی ھەرێمی کوردستان و به‌ڕێز مه‌زڵووم عه‌بدی کۆبوونه‌وه‌

پەیامی کورد   ...   سه‌رۆکی ھەرێمی کوردستان و به‌ڕێز مه‌زڵووم عه‌بدی کۆبوونه‌وه‌

چوارشەممه‌ 2025/11/19  نێچیرڤان بارزانی، سەرۆکی هەرێمی کوردستان، پێشوازی لە به‌ڕێز مەزڵووم عەبدی، فەرماندەی گشتی هێزەکانی سووریای دیموکرات (هه‌سه‌ده‌) کرد.

لە کۆبوونه‌وه‌یه‌کدا، پرسی کورد و دۆخی پێکهاته‌کانی دیکه‌ له‌ سووریا تاوتوێ کران، هه‌روه‌ها ده‌رباره‌ی گفتوگۆی هه‌سه‌ده‌ له‌گه‌ڵ دیمه‌شق، هه‌ڕه‌شه‌ و مه‌ترسییه‌کانی تیرۆر و به‌ره‌نگاربوونه‌وه‌ی داعش، بیروڕایان گۆڕییه‌وه‌.

سه‌رۆک نێچیرڤان بارزانی جەختی لەسەر پێویستی یه‌کڕیزی لایەنە کوردییەکان و چارەسەرکردنی کێشەکانیان بە ڕێگه‌ی دیالۆگ و لێکگه‌یشتن کردەوە؛ بۆ ئەوەی مافی گەلی کورد لە سووریا پارێزراو بێت.

لای خۆیەوە به‌ڕێز مەزڵووم عەبدی، پێزانینی خۆی بۆ پشتگیری سەرۆک نێچیرڤان بارزانی لە مافه‌کانی گه‌لی کورد له‌ سووریا و هه‌وڵه‌کانی له‌پێناو چاره‌سه‌رکردنی کێشه‌کان له‌گه‌ڵ دیمه‌شق، دووپات کرده‌وه‌.