پەیامی کورد   ...   مەسروور بارزانی : پێشوازی لە پرۆسەی ئاشتی و یەکەم هەنگاوی چەکدانانی پەکەکە دەکەم

سەرۆکی حکوومەتی ھەرێمی کوردستان، پێشوازی لە دەستپێکردنی پرۆسەی ئاشتی و یەکەم ھەنگاوی چەکدانانی ژمارەیەک چەکداری پەکەکە دەکات و ھیواخوازە ئەم ھەنگاوە ببێتە سەرەتای سەردەمێکی نوێی پێکەوەژیان و ئارامی لە ناوچەکەدا.

ھەینی ١١ـی تەممووز، مەسروور بارزانی، سەرۆکی حکوومەتی ھەرێمی کوردستان، لە پەیامێکدا لە پلاتفۆرمی "ئێکس" ڕایگەیاند، پێشوازی لە دەستپێکردنی پرۆسەی ئاشتی و یەکەم ھەنگاوی چەکدانانی پەکەکە دەکات.

سەرۆکی حکوومەت نووسیویەتی: "پێشوازی لە پرۆسەی ئاشتی و یەکەم ھەنگاوی چەکدانانی پەکەکە دەکەم و ھیوادارم ھەموو لایەک پابەندی بەدیھێنانی ئاشتی ڕاستەقینە بن و سەردەمێکی نوێی پێکەوەژیان و ئارامی دەست پێبکات".