پەیامی کورد   ...   وەزیری ناوخۆ پۆلیسی نەجەوانانی ڕاسپارد بۆ جێبەجێ کردنی پلانەکە

ڕێبەر ئەحمەد وەزیری ناوخۆی، پاڵپشتی خۆی بۆ وەزارەتی کار ڕاگەیاند بۆ نەهێشتنی دیاردەی کار کردن و دەرۆزەکردنی منداڵان لەسەر شەقام و لە ترافیکلایتەکان و پۆلیسی نەجەوانانی ڕاسپارد بۆ هاوکار بوون لە جێبەجێ کردنی پلانەکە.

چوارشەممه‌ ۱۱ی ٦ی ۲۰۲٥ یوسف چاوشین بەڕێوبەری گشتی چاودێری و گەشەپێدانی کۆمەڵایەتی هەولێر بە نوێنەرایەتی کوێستان موحەممەد وەزیری کار و کاروباری کۆمەڵایەتی سەردانی ڕێبەر ئەحمەد وەزیری ناوخۆی کرد.

بەڕێوبەری گشتی لە سەردانەکەیدا دیاردەی کار کردن و دەرۆزەکردنی منداڵانی لەسەر شەقام و لە ترافیک لایتەکان باس کرد و پلانی وەزارەتی کاری بۆ نەهێشتنی ئەم دیاردەیە خستەڕوو.

ڕێبەر ئەحمەد وەزیری ناوخۆی، پاڵپشتی خۆی بۆ وەزارەتی کار ڕاگەیاند و پۆلیسی نەجەوانانی ڕاسپارد بۆ هاوکار بوون لە جێبەجێ کردنی پلانەکە.