پەیامی کورد   ...   ڕۆژی شه‌ممه‌ پرسەی تێکۆشەری گەلەکەمان کەریم شنگالی له‌ دهۆك بەڕێوەدەچێت

لە شاری ھەولێر مەڕاسیمی پرسەی خوالێخۆش بوو تێکۆشەر و نیشتمانپەروەری گەلەکەمان "کەریم شنگالی" بەڕێوەچوو.

پێنجشەممە ٢٠٢٥.٦.١٢، بە ئامادەبوونی نێچیرڤان بارزانی، سەرۆکی ھەرێمی کوردستان و مەسروور بارزانی، سەرۆکی حکوومەتی ھەرێمی کوردستان و سیداد بارزانی، نوێنەری سەرۆک بارزانی و بەرپرس و ئەندامانی دەستەی کارگێڕی و ئەندامانی مەکتەبی سیاسی و کۆمیتەی ناوەندی پارتی و سەرۆک و سکرتێری حزب و لایەنە سیاسیەکان و کەسایەتی ئاینی و پێکھاتە جیاوازەکان و سەرۆکی ھۆزانی کورد و عەرەب و ژمارەیەکی زۆر لە چین و توێژەکانی خەڵکی کوردستان، لە شاری ھەولێر،  مەڕاسیمی پرسەی کەسایەتی و خەباتگێر و تێکۆشەر و نیشتمانپەروەری گەلەکەمان و وەزیری پێشووی ناوخۆی حکوومەتی ھەرێمی کوردستان خوالێخۆشبوو "کەریم شنگالی" بەڕێوەچوو.

ھەروەھا ڕۆژی شەممە ٢٠٢٥.٦.١٤ لە شاری دھۆک لە مزگەوتی سەیدۆ پرسەی خوالێخۆشبوو بەڕێوەدەچێت.