پەیامی کورد   ...   پەیامێکی گرینگ لە وەزارەتی پەرەوەردەی هەرێمی کوردستان ەوە بۆ ڕای گشتی

وەزارەتی پەروەردەی هەرێم بڕیاریدا، سەرجەم تاقیكردنەوەكانی لە قوتابخانە حكوومی و ناحكوومیەكان بە پۆلی 12ـی ئامادەیی شەوە دوابخات و دواتر لە كاتی تاقیكردنەوەكان بڵاودەكاتەوە. 

وەزارەتی پەروەردەی حکوومەتی هەرێمی کوردستان، ئەمشەو لە ڕاگەێندراوێكدا بڵاویكردەوە، لەبەر بەرژەوەندی گشتی ، ئەم هەفتەیە  واتە لە سبەی رۆژی شەممە 14ی (حوزەیران/6)ـی2025 هەمو تاقیکردنەوەکان لە قوتابخانە حکوومی و ناحکوومیەکان دوادەخرێت.

ئاماژەی بەوەش كرد، دواخستنی تاقیكردنەوەكان قوتابخانە ناحکوومییە نێودەوڵەتیەکان و تاقیکردنەوەکانی وەزاری پۆلی 12ی ئامادەیی بەهەموو بەشەکانیەوە دەگرێتەوە، هەروەها تاقیکردنەوەکانی خولی دووەمی قوتابخانە حکوومی و ناحکوومیەکانیش هەمووی دوا دەخرێت بۆ هەفتەی داهاتوو.

بەگوێرەی ڕاگەێندراوەكە، لە هیچ ناوەندێکی خوێندنی وەزارەتی پەروەردە تاقیکردنەوەکان ئەنجام نادرێن، دواتر وەزارەت لە رێگەی ڕاگەێندراوێکەوە لە خشتەی تاقیکردنەوەکان بڵاودەكاتەوە.