پەیامی کورد   ...   ڕاگه‌ێندراوێک له‌ سه‌رۆکایه‌تی هه‌رێمی کوردستان ه‌وه‌

سه‌رۆکایه‌تی هه‌رێمی کوردستان، به‌ تووندى سه‌ركۆنه‌ى ئه‌و هێرشانە دەكات كە به‌ درۆن ده‌كرێنه‌ سه‌ر ژێرخان و ناوچه‌ جیاجیاكان له‌ هه‌رێمى كوردستان. 

دەقی ڕاگه‌ێندراوەكەی سه‌رۆکایه‌تی هه‌رێمی کوردستان

به‌ تووندى سه‌ركۆنه‌ى ئه‌و هێرشانه‌ ده‌كه‌ین كه‌ به‌ درۆن ده‌كرێنه‌ سه‌ر ژێرخان و ناوچه‌ جیاجیاكان له‌ هه‌رێمى كوردستان و له‌و چوارچێوه‌یه‌دا دوێنێ و ئه‌مڕۆ كێڵگه‌ى نه‌وتییان له‌ ناوچه‌كانى خورمه‌ڵه‌ و سه‌رسنگ به‌ ئامانج گرتووه‌.

حكوومه‌تى فیدراڵى عێراق پێویسته‌ هه‌موو ڕێكارێكى به‌په‌له‌ و پێویست بگرێته‌ به‌ر بۆ ڕێگه‌گرتن له‌و هێرشانه‌ و دۆزینه‌وه‌ى هێرشبه‌ران و سزادانیان. ئه‌و هێرشانه‌ سه‌قامگیرى و سه‌روه‌ری ووڵات و وه‌به‌رهێنانى ناوخۆیى و بیانى ده‌خه‌نه‌ مه‌ترسییه‌وه‌.

سه‌رۆکایه‌تی هه‌رێمی کوردستان

٢٠٢٥/٧/١٥