Serê giran li Siwêdayê: Komên çekdar êrîsî xalên ewlehiyê kirin, herêm bê elektrîk ma

PeyamaKurd – Şer li parêzgeha Siwêdayê ya Sûriyeyê êvara Înê dîsa gurr bû, dema ku komên çekdar êrîşî xalên ewlehiyê yên li Mecdel a Siwêdayê kirin. Li gorî ajansa nûçeyan a dewleta Sûriyeyê SANAyê, tevahiya şevê pevçûnên dijwar di navbera hêzên hikûmetê û komên çekdar ên herêmî de qewimîn, ku tê de çekên giran hatin bi kar anîn. Ev şer bû sedema qutbûna elektrîkê li herêmê û raporên derbarê kuştî û birîndaran de hatin ragihandin.

SANAyê diyar kir ku hêzên hikûmetê û milîsên wê ji çeperên xwe yên li bajarokê el-Mezreyê li gundên Rojava, bi çekên makîneyî yên giran ên 23 mm herêma derdora bajarokê Mecdelê hedef girtin. Êrîş roja Şemiyê sibehê jî li heman alî berdewam kirin. Heta niha tu hejmarên fermî yên qurbaniyan nehatine eşkere kirin.

Piştî nîvê şevê, şerên dijwar di navbera leşkerên Wezareta Parastinê û komên çekdar ên herêmî yên bi navê Mihafizên Neteweyî de derketin. Çavkaniyên herêmî ragihandin ku her du aliyan di van şeran de gule berdan hev, û di encamê de kuştî û birîndar çêbûn.

Li gorî dezgehên medyaya Sûriyeyê, şer û pevçûn heta sibehê berdewam kirine, ku tê de çekên giran û navîn û topên hawanê hatine bikaranîn. Deverên sereke yên ku şer lê giran bûne ev in: El-Mejdal – Xeta el-Mezra, Etiyl – Selîm – Rimet Hazim – Luqa, Herêma veguhastinê – Luqa, Tel Hedîd – niştecihên el-Hader, û Girêdana El-Tha'la (bakur û bakurê rojavayê Siwêda).

Di encama şerên tund de, agahî hatin ku beşeke mezin ji parêzgeha Siwêdayê bi temamî bê elektrîk maye ku ev yek bandoreke giran li ser jiyana rojane ya niştecihên herêmê kir.