Trump: Birayên Misilman wê li lîsteya rêxistinên terorîst werin zêdekirin

PeyamaKurd – Serokê Dewletên Yekbûyî yên Amerîkayê Donald Trump ragihand ku ew amadekariyan dikin ku Birayên Misilman (Îxwan) li lîsteya "Rêxistinên Terorîst ên Biyanî" zêde bikin.

Serok Trump îro di hevpeyvîna xwe ya bi Just The News re got, "Ev çalakî dê bi awayê herî tund û bi hêz were kirin. Belgeyên dawîn niha têne amadekirin," ku nîşan dide ku pêvajo di qonaxên xwe yên dawîn de ye.

Parêzgarê Teksasê agir geş dike

Gava Trump piştî biryara Parêzgarê Komarî yê Teksasê Greg Abbott a hefteya borî tê. Parêzgar Abbott ragihand ku ew ê hem Birayên Misilman û hem jî Konseya Têkiliyên Amerîkî-Îslamî (CAIR) wekî "Rêxistineke Terorîst a Biyanî û Rêxistineke Sûc a Navneteweyî" destnîşan bike.

Abbott ji bo rewakirina biryara xwe got, "Birayên Misilman û CAIR demek dirêj e armanca xwe ya zelal a sepandina qanûna Şerîetê û avakirina serweriya Îslamî li çaraliyê cîhanê diyar kirine."