Zelensky: Me Pasvanên Şoreşê xist lîsteya terorê

PeyamaKurd - Serokkomarê Ukraynayê Volodymyr Zelenskyy înîsiyatîfa Yekîtiya Ewropayê (YE) ya ji bo destnîşankirina Pasavanên Şoreşê yên Îranê (IRGC) wekî "rêxistineke terorîst" pêşwazî kir û got, "Li Ukraynayê, me ev biryar daye. Ji bo me, ev mesele girtî ye."

Volodymyr Zelenskyy di peyameke vîdyoyî de ku li ser hesabê xwe yê medyaya civakî hate weşandin, daxuyaniyên girîng derbarê rêça şerê berdewam bi Rûsyayê re, helwesta xwe ya li hember rejîma Îranê û hewldanên dîplomatîk ên ku ew bi hevalbendên xwe yên Rojavayî re dimeşîne da.

"Em ê bi hezaran dronên Shahed ji bîr nekin"

Di axaftina xwe de, Zelenskyy li ser xwepêşandanên li Îranê û polîtîkayên rejîmê rawestiya û îdia kir ku rêveberiya Tehranê hewl dide ku tundûtûjî û şer li herêmê belav bike.

Zelenskyy bal kişand ser wêrankirina ku ji ber dronên ku ji hêla Îranê ve li Ukraynayê hatine çêkirin, bi tundî got:

"Ukrayna wê yek ji hezaran dronên Shahed ên ku li bajar, gund û gelê me xistin ji bîr neke. Em bi pratîkî biryara Yekîtiya Ewropayê ya destnîşankirina Artêşa Pasdarên Şoreşê, ku yek ji hêmanên leşkerî yên sereke yên rejîma Îranê ye, wekî 'rêxistinek terorîst' qebûl dikin. Prosedûrên li Ewropayê niha di rê de ne, lê li Ukraynayê, me ev biryar daye û vê saziyê wekî rêxistinek terorîst destnîşan kiriye. Ji bo me, ev mesele qediya ye."