Cengiz Çandar: Serok Barzanî yekîtiya neteweyî ya Kurdan parast

PeyamaKurd – Parlamenterê Partiya Wekhevî û Demokrasiyê ya Gelan (Partiya DEM) yê Dîyarbekirê Cengiz Çandar tekez kir ku peyamên Serok Mesûd Barzanî giyanê yekîtiya neteweyî vejandiye û îspat kiriye ku Kurd di aştiyê de li herêmê kesayetiyeke sereke ne.

Çandar di hevpeyvînekê de bi K24 re girîngiya Konferansa Aştî û Civaka Demokratîk a Navneteweyî ya li Stenbolê pêk hat anî ziman û wê wekî berdewamî û temamkerê Foruma Aştî û Ewlehiyê ya Rojhilata Navîn (MEPS2025) ku meha borî li Duhokê pêk hat bi nav kir. Li gorî Çandar, konferans û forum platformên cidî û bibandor in ji bo ji nû ve şekildana rewşa aştî û aramiyê li Rojhilata Navîn.

Çandar, ku beşdarê MEPS2025 bû, bûyerê wekî platformek navneteweyî ya pir bi bandor bi nav kir ku kesayetiyên pilebilind ên herêmê anî cem hev. Çandar diyar kir ku hebûna kesayetiyên mîna Mazlum Abdî û Îlham Ehmed li Duhokê nîşanek eşkere ya girîngiya civînê bû û yekîtiya neteweyî ya Kurd nîşan da.

Çandar girîngiya peyamên ku ji aliyê Serok Barzaniyê û rêberên din ên Herêma Kurdistanê ve di Konferansa Aştî û Civaka Demokratîk a Navneteweyî de hatine xwendin tekez kir û got, "Ev peyam bûn bingeha vejandina yekîtiya neteweyî ya Kurd."

Çandar herwiha diyar kir, "Encama her du bûyeran ew e ku Kurd giraniya xwe hene û bêyî beşdariya çalak û bihêz a Kurdan wekî kesayetên sereke tu pêvajoyek aştî û aramiyê li Rojhilata Navîn nikare bi ser bikeve."