Erdhejek tirsnak li Wanê çêbû!

PeyamaKurd – Erdhejek bi şîddeta 4.6 li navçeya Tuşba ya Wanê çêbû.

Hûrguliyên derbarê erdhejê de li ser malpera Serokatiya Rêveberiya Karesat û Awarte (AFAD) hatin parvekirin.

Li gorî agahiyên ku ji hêla AFAD ve hatine parvekirin, di saet 22:17an de erdhejek bi şîddeta 4.6 bi navenda wê li Tuşbayê hatiye tomarkirin.

Hat diyarkirin ku erdhej di kûrahiya 6.11 kîlometreyan de çêbûye.

Daxuyaniya AFADê nîşan da ku piştî erdheja bi şîddeta 4.6 tu bûyerên neyînî nehatine ragihandin.

Daxuyaniyê zêde kir, "Lêkolînên meydanî berdewam dikin."