Serok Barzanî: Her miletê xwedî îradeyekê be, di dawiyê de wê bi ser bikeve

PeyamaKurd – Serok Mesûd Barzanî bi Balyozê Koreya Başûr li Iraqê, Lee Jong-il re li ser gelek mijaran, di nav de têkiliyên dualî û hilbijartinên parlementoya Iraqê, nîqaş kir.

Serok Barzanî roja Yekşemê 16ê Mijdara 2025an pêşwaziya Balyozê Koreya Başûr li Iraqê, Lee Jong-il kir.

Balyozê Koreya Başûr ji ber serkeftina berbiçav a Partiya Demokrat a Kurdistanê (PDK) di hilbijartinên parlementoya Iraqê de pîrozbahî li Serok Barzanî kir û spasiya xwe ji bo pêşketin û veguherîna ku di salên dawî de bi saya aramî û plansaziya baş li Herêma Kurdistanê hatiye bidestxistin, anî ziman.

Lee Jong-il tekez kir ku têkiliyên welatê wî bi gelê Kurdistanê re di dema hebûna tîma Zeytûnê li Hewlêrê de dest pê kirine û destnîşan kir ku têkiliyên dualî di warên veberhênan, teknolojiyê û warên din de mezinbûnek girîng dîtine.

Serok Barzanî pêşwaziya şanda mêvan kir û tekezî li ser dostaniya û têkiliyên di navbera gelê Kurdistanê û Koreya Başûr de kir.

Serok Barzanî helwesta pir erênî ya gelê Kurd li hember Koreya Başûr û gelê wê tekezî kir.

Di beşek din a civînê de, dîroka têkoşîn û biryardariya gelê Kurd hate vegotin, Serok Barzanî tekez kir ku her miletekî ku îrade hebe, di dawiyê de wê bi ser bikeve û pêş bikeve.

Pêvajoya siyasî ya li Iraqê û gavên ku piştî hilbijartinên parlemanî werin avêtin û herwiha gefên terorê li ser aramiya herêmê, di nav mijarên ku di civînê de hatine nîqaşkirin de bûn.