ئەمریکا بۆ زانیاری لەسەر دوو هاککەری ئێرانی، بڕی ١٠ ملیۆن دۆلار خەڵاتی پێشکەش دەکات

پەیامی کورد   ...   ئەمریکا بۆ زانیاری لەسەر دوو هاککەری ئێرانی، بڕی ١٠ ملیۆن دۆلار خەڵاتی پێشکەش دەکات

 لە چەند ڕۆژی ڕابردوودا وەزارەتی دەرەوەی ئەمریکا ناوی دوو هاککەری ئێرانی بڵاوکردەوە و ڕایگەیاند هەرکەسێک بتوانێت زانیاری لەسەر ئەو دوو هاککەرە ئێرانییە وەربگرێت خەڵاتێکی بەرچاوی پێدەدرێت.

وەزارەتی دەرەوەی ئەمریکا ڕایگەیاند، دوو کەس بە ناوەکانی "فاتمە سدیقیان کاشی و محەممەد باقر شیرینکار" دوو هاککەری ئێرانین کە پەیوەندییان بە سوپای پاسداران ەوە هەیە و هەرکەسێک بتوانێت زانیاری لەسەریان بداتە ئەمریکا، پاداشتی ١٠ ملیۆن دۆلاری پێدەدرێت.

هەروەها ئاماژەیان بەوەش کردووە، ئەو کەسانە زیانیان بە ژێرخانی ئەمریکا گەیاندووە و بۆ بەشی ئەلیکترۆنی سوپای پاسداران کاردەکەن.

چالاکییە ئەلیکترۆنییەکانی سوپای پاسداران لە ساڵانی ڕابردوودا بۆ هێرشکردنە سەر نەیارانی ناوخۆیی و هەروەها ووڵاتانی دەرەوە زیادی کردووە، كارێك کە جگە لە ناوزڕاندن و تێکدان و کردەی تیرۆریستی هیچ سوودێکی بۆ خەڵکی ئێران نەبووە.