تەقینەوەیەکی بەهێز ئیدلیبی هەژاند

پەیامی کورد   ...   تەقینەوەیەکی بەهێز ئیدلیبی هەژاند

تەقینەوەیەکی بەهێز شاری 'کەفەر تەخاریم''ـی  لە سنووری پارێزگای ئیدلیبی باکووری ڕۆژئاوای سووریا هەژاند.

بە گوێرەی میدیاکانی ناوخۆی سووریا، بەهۆی تەقینەوەکەوە ژمارەیەک بریندار و قوربانی هەن، بەڵام تاوەکوو ئێستا نە شوێنی تەقینەوەکە و نە هیچ ئامارێکی سەرەتایی ئاشکرا نەکراوە، بەڵام دووکەڵێکی چڕ ئاسمانی شارەکەی تەنیوە.

هەروەها میدیای فەرمی سووریا تەنیا ئاماژەی بەوە داوە، بەهێزی تەقینەوەکە ترس و دڵەڕاوکێیەکی زۆری لەنێو خەڵکی شارەکە بڵاوکردووەتەوە، لەگەڵ ئەمەشدا لایەنە پەیوەندیدارەکان دەستیان بە لێکۆڵینەوە کردووە و تا ئێستا هۆكاری تەقینەوەكە دیار نییە.