جێگری وەزیری دەرەوەی ئەمریکا بۆ کردنەوەی کونسووڵخانەی نوێی ووڵاتەکەی دێتە هەرێمی کوردستان

پەیامی کورد   ...   جێگری وەزیری دەرەوەی ئەمریکا بۆ کردنەوەی کونسووڵخانەی نوێی ووڵاتەکەی دێتە هەرێمی کوردستان

جێگری وەزیری دەرەوەی ئەمریکا بە مەبەستی کردنەوەی کونسووڵخانەی نوێی ئەمریکا لە هەولێر و بەرەوپێش بردنی سەقامگیری، ئاسایش، ئازادی ئایینی و خۆشگوزەرانی لە ناوچەکەدا سەردانی هەرێمی کوردستان دەکات.

وەزارەتی دەرەوەی ئەمەریکا ڕاگەێندراوێکی بڵاو کردووەتەوە و تێیدا ئاماژەی داوە، مایکڵ ڕیگاس، جێگری وەزیری دەرەوەی ئەمریکا بۆ کاروباری بەڕێوەبردن و سەرچاوەکان بۆ کردنەوەی کونسووڵخانەی نوێی ووڵاتەکەی سەردانی هەولێر دەکات.

لە ڕاگەێندراوەکەدا هاتووە، جێگری وەزیری دەرەوەی ئەمریکا بۆ کاروباری بەڕێوەبردن و سەرچاوەکان، لە ڕۆژی پێنجشەممە گەشتەکەی بۆ تورکیا، عێراق و ئیسرائیل دەست پێدەکات و دەچێتە بەغدا، هەولێر و ئۆرشەلیم. 

هەروەها باسی لەوەش کردووە، لە عێراق، جێگری وەزیر لەگەڵ بەرپرسانی عێراقی کۆدەبێتەوە و دامەزراوە دیپلۆماسییەکانی ئەمریکا بەسەر دەکاتەوە و کونسووڵخانەی گشتی نوێی ئەمەریکا لە هەولێر دەکاتەوە.