لە پۆستێکیدا لە تۆڕی کۆمەڵایەتی ئینستاگرام، ئەڤیچای ئەدرای، وتەبێژی سوپای ئیسرائیل وێنەیەکی خۆی لە شارۆچکەی سنووری کفەر کیلا لە باشووری لوبنان بڵاوکردەوە و کۆمێنتێکی لەسەر ڕابردووی نووسیوە و دەڵێت "چەند خۆزگە دەمتوانی ڕووخساری سێ پاڵەوان ببینم کە ڕۆژێک بە ئازایەتی و نمایشی هێزەکانیان دڵخۆشیان کردین".

ئەدرەعی ئاماژەی بە عەلی شوعەیب و عەلی مورتەدە و حوسێن مورتەدا کرد و ئاماژەی بەوەشکرد، "لەبیرتانە؟ ئەوان لێرە وەستابوون و بەردیان بەسەر دیوارەکەدا فڕێدا و دیمەنی قارەمانێتی ساختەیان وێنەگرتبوو".

لە درێژەی قسەکانیدا وتی "ئەوان تەنها نوێنەرایەتی خۆبەزلزانینی حزبوڵڵایان دەکرد، کە لە بەرامبەر کلیپی کوندا تەواوی وڵاتێکی بۆ وێرانکاری ڕاکێشا. تەقەکردنەکە کۆتایی هاتووە، نمایشە ساختەکە کۆتایی هاتووە".

لە کۆتایی پۆستەکەیدا وتی "پێویستت بە هەندێک کەرامەت هەیە بۆ ئەوەی باسیان بکەیت".

شایەنی باسە عەلی شوعەیب و عەلی مورتەدە و حسێن مورتەدە ڕۆژنامەنووسانی سەر بە حزبوڵڵان و لە باشووری لوبنانەوە ڕووماڵی شەڕی ئیسرائیلیان بۆ سەر لوبنان دەکرد.

 

لینا رەشید - لوبنان

ئەم بابەتە 37 جار خوێندراوەتەوە