پەیامی کورد   ...   ناتانیاهوو بە هۆکارێکی نادیار بەپەلە بۆ بینای دەوڵەتی لە ئۆرشەلیم گواسترایەوە

بێنیامین ناتانیاهوو ، سەرۆکوەزیرانی ئیسرائیل، لەناکاو و بەپەلە، ڕێوڕەسمی فەرمی لە شارۆچكەی مەعالە ئادومیم لە ناوچەی یەهوودا و سامرە بەجێهێشت و بۆ بینای حکوومەت لە ئۆرشەلیم گواسترایەوە.

ئەم هەنگاوە لە کاتێکدایە کە ناتانیاهوو پێش جێهێشتنی شوێنەكە، بەبێ باس كردنی ووردەكارییەكان، بە ڕۆژنامەنووسانی ڕاگەیاندووە: "بە هۆكارێك كە ناتوانم ئاشكرای بكەم دەبێت ئێرە بەجێ بهێڵم".

بەگوێرەی هەواڵە سەرەتاییەکانی میدیاکانی ئیسرائیل، ئەو هەنگاوە بەپەلەیە بەبێ هۆکارێکی فەرمی ئەنجامدراوە و گومانەكان سەبارەت بە بابەتی ئەمنیەتی یان کۆبوونەوەی نهێنی هەیە، بەتایبەتی لە چوارچێوەی زیادبوونی گرژییەکانی ناوچەکە، لەوانەش ململانێیەکانی پەیوەندیدار بە غەززە و کۆماری ئیسلامی.